samedi 23 juillet 2011

منير الطرودي - حسرة على أيّامك




mounir troudi -7asra 3la ayamek

منير الطرودي - حسرة على أيّامك


حسرة على أيّامك يا حمّة
مربوط بعيلة ومرا
إلّي تجري شهر تلمّه
في جمعة تلقاه وفى

تعدّي في أيّامك تستنى
في منحة وفي راس شهر
تجبد منا تصرف منا
وحسابك طوّالي صفر
إمتى يا حمّة تتهنّى
وتطلع فوق الميّة شبر
ويعطوك طريّف من الجنّة
عدّك بيه العمر وفى


حسرة على أيّامك يا حمّة
مربوط بعيلة ومرا
إلّي تجري شهر تلمّه
في جمعة تلقاه وفى


إجري ناضل يا مناضل
خلّص كريدي بكريدي
وإحلم بالزّايد والفاضل
حلمة بلّوشي يا سيدي
يا طيّب إنتا يا فاضل
نسيت النكتة وإنتا جريدي
إكبس روحك واصل ناضل
باش تدبّر طرف هواء

و شوف و شوف
غطّست أيّامك في الخوف
خايف من كرني المصروف
والضو و تسكرة الماء


حسرة على أيّامك يا حمّة
مربوط بعيلة ومرا
إلّي تجري شهر تلمّه
في جمعة تلقاه وفى
إلّي تجري شهر تلمّه
في جمعة تلقاه وفى







video


0 commentaires:

Enregistrer un commentaire